საქართველოს სტრატეგიული კვლევებისა და განვითარების ცენტრი, თემის განვითარების მიმართულებით, 1998 წლიდან მუშაობს. მრავალწლიანმა გამოცდილებამ აჩვენა, რომ ადგილობრივ დონეზე არსებული პოტენციალის უკეთ რეალიზების და მიმდინარე გამოწვევებთან გამკლავების ეფექტურ გზას, ძლიერი სამოქალაქო საზოგადოების არსებობა განაპირობებს.

მიმართულების მიზანი, რეგიონებში სამოქალაქო საზოგადოების გაძლიერება და სათემო ლიდერების, სამოქალაქო ორგანიზაციების თუ საინიციატივო ჯგუფის მხარდაჭერაა.

შესაბამისად, პროგრამა თავისი საქმიანობის ფარგლებში, ხელს უწყობს ადგილობრივი ინიციატივების წახალისებას, სათემო ჯგუფების ფორმირებას, მათ ფინანსურ გაძლიერებას და არაფორმალურ განათლებას. გარდა ამისა, ორგანიზაცია წლების მანძილზე ცდილობს სათემო ორგანიზაციებსა თუ საინიციატივო ჯგუფებს შორის გააღრმავოს ქსელური კავშირები და მხარი დაუჭიროს მათ საერთო ინიციატივებს. 

დროთა განმავლობაში, პროგრამამ შეძლო იდეის მხარდამჭერების გაერთიანება, დამატებითი ფინანსური რესურსების მობილიზება, თემის განვითარების კუთხით რეგიონში ცოდნის და ექსპერტიზის გაღრმავება და ქსელური კავშირების შექმნა. გარდა ამისა, მრავალწლიანი გამოცდილების და დაგროვილი ექსპერტიზის გაზიარების მიზნით, მიმართულების ფარგლებში 2011 წელს შეიექმნა საინფორმაციო ვებ პორტალი - www.cdrc.ge, რომელიც დღესდღეობით, საქართველოში  თემის განვითარების რესურს ცენტრის როლს ასრულებს.

მიმართულების ძირითადი საქმიანობები

• საქართველოში სათემო მუშაობის პოპულარიზაცია, თემის განვითარების კუთხით ცნობიერების ამაღლება და სათემო ორგანიზაციების თუ საინიციატივო ჯგუფების სამოქმედო გარემოს გაუმჯობესება
• ადგილობრივი ლიდერების, ახალი ჯგუფების აღმოჩენა/ფორმირება და მათი გრძელვადიანი ორგანიზაციული მხარდაჭერა
• სათემო ინიციატივების და პროექტების ფინანსური მხარდაჭერა
• რეგიონში არსებული ინტელექტუალური რესურსის განვითარება და გაძლიერება
• ქვეყანაში არსებული ადგილობრივი სათემო ქსელების გაძლიერება და გაფართოება
• ფილანტროპიის და ადგილობრივი რესურსების მობილიზების ახალი მექანიზმების დანერგვა

2014 წლიდან, თემის განვითარების მიმართულების ერთ-ერთ მნიშვნელოვან საქმიანობას სათემო ჯგუფების და ორგანიზაციების ფინანსური მხარდაჭერა წარმოადგენს. საქმიანობის მიზანია, ხელი შეუწყოს რეგიონში არსებული სამოქალაქო ჯგუფების გაძლიერებას და თემში ადგილობრივი ინიციატივების თუ პროექტების ფინანსურ მხარდაჭერას. რათა, სწორედ ამ ჯგუფებმა და ადამიანებმა, ადგილობრივი თემის გაერთიანებით, შეძლონ თემში პოზიტიური ცვლილებების გამოწვევა.

იხილეთ ორგანიზაციის მიერ დაფინანსებული პროექტები

მიმართულების უნიკალური ექსპერტიზა

• სათემო განვითარების მიმართულებით 24 წლიანი ისტორია
• შესაძლებლობების განვითარების გრძელვადიანი  მიდგომა - ფინანსური მხარდაჭერა, რასაც თან ახლავს სათემო ჯგუფებისათვის ინტენსიური საინფორმაციო და ტექნიკური მხარდაჭერა
• ქსელური მუშაობის მიდგომა - ქვეყნის მასშტაბით არსებული საინიციატივო ჯგუფებსა და სათემო ორგანიზაციებს შორის კავშირების გაღრმავება და ერთობლივი ინიციატივების მხარდაჭერა
• მიმართულების მიერ მომზადებული დოკუმენტური ფილმი „გზის გადაღმა სოფელში“ ბრიტანეთის ერთ-ერთ უნივერსიტეტის, თემის განვითარების სასწავლო პრიგრამაში შეიტანეს, როგორც თემთან მუშაობის შედეგების წარმატებული მაგალითი

საერთაშორისო ქსელები და გაერთიანებები

• ევროპის სათემო ფონდების ინიციატივა (European Community Foundation Initiative)
• დაფინანსების ქსელი (The Funding Network)
• თემის განვითარების ჟურნალის (Community Development Journal) მრჩეველთა საბჭოს წევრი 

დამატებითი ინფორმაციისათვის ეწვიეთ მიმართულების ვებგვერდს