2014 წელს საქართველოსა და ევროკავშირს შორის ასოცირების შეთანხმების (EUGAA) ხელმოწერის დღიდან, CSRDG ხელს უწყობს საქართველოს რეგიონული საზოგადოებრივი ორგანიზაციების მრავალმხრივ ჩართულობას შეთანხმების დროული და სათანადო განხორციელების მონიტორინგსა და ადვოკატირებაში.

მიმართულების მიზნია, საზოგადოებამდე მიტანა იმისა, თუ კონკრეტულად რა ვალდებულებებს ითვალისწინებს ასოცირების შეთანხმება. ვინაიდან აუცილებელია სამოქალაქო საზოგადოებამ აკონტროლოს ასოცირების შეთანხმების შესრულების პროცესი და მოსთხოვოს ხელისუფლებას მისი სათანადო შესრულება, აუცილებელია მეტი სამოქალაქო საზოგადოების ორგანიზაციების ჩართვა ქვეყნის ევროპულ ინტეგრაციაში.

2017-2020 წლებში ჩვენ შევიმუშავეთ ასოცირების შეთანხმების შესრულების 13 ექსპერტული შეფასება, ჩავატარეთ 24 ტრენინგი საზოგადოებრივი ორგანიზაციების 500-მდე წარმომადგენლისთვის, ევროასოცირების შეთანხმების 30-მდე თემაზე, მოვამზადეთ 36 მოკლე განმარტებითი ვიდეო ასოცირებასთან დაკავშირებულ საკითხებზე და ადგილობრივ/რეგიონულ საზოგადოებრივ ორგანიზაციებზე გავეცით 31 გრანტი. თუმცა, მთავარი გამოწვევა გახლდათ ასოცირებასთან დაკავშირებული რეფორმების ხასიათი, რომელთა თარგმნას მუნიციპალურ დონეზე კონკრეტულ ქმედებებში საკმაო დრო სჭირდება.

მიმართულების ძირითადი საქმიანობები:

• ექსპერტთა შეფასებების მომზადება ასოცირების შეთანხმებით დაკისრებული ვალდებულებების შესრულების შესახებ და მიღებული შედეგებით ნაკისრი ვალდებულებების შესრულების მდგომარეობის ვიზუალიზაცია
• ტრენინგები საზოგადოებრივი ორგანიზაციების წარმომადგენელთათვის ასოცირების შეთანხმების 30-მდე საკითხზე;
• ღია წვდომა ასოცირების შეთანხმებასთან დაკავშირებულ მოკლე განმარტებით  ვიდეოებსა და შესაბამის შეკითხვებზე
• მცირე გრანტები (5,000-10,000 ევრო) ასოცირების შეთანხმებით ნაკისრი ვალდებულების შესრულების მონიტორინგსა და ადვოკატირებაზე ადგილობრივ/რეგიონულ დონეზე

მიმართულების უნიკალური ექსპერტიზა

• საფუძვლიანი ცოდნა ასოცირების შეთანხმებასთან დაკავშირებული საკითხებისა, მათ შორის, ისეთი  ტექნიკური საკითხებისა, როგორიცაა სურსათის უვნებლობა, გარემოს დაცვა, ენერგეტიკა, ტრანსპორტი, ფინანსები, შრომითი უფლებები, მომხმარებლის უფლებები, ინტელექტუალური საკუთრების დაცვა, კონკურენცია და ა.შ
• საზოგადოებრივი ორგანიზაციების ტრენინგის გამოცდილება ასოცირების შეთანხმების მთელ რიგ საკითხებში
• მაღალი დონის დარგის ექსპერტებისა და CSRDG-ის პროექტის შემუშავების ექსპერტებთან ერთად ასოცირების შეთანხმების შესრულების მონიტორინგისა და ადვოკატირების შესახებ ადგილობრივი საზოგადოებრივი ორგანიზაციების მიერ პროექტის იდეების შემუშავების ხელშეწყობის გამოცდილება
• ასოცირების შეთანხმების კომპლექსური საკითხების ახსნისა და ვიზუალიზაციის უნარი და გამოცდილება ძალიან მოკლე (3-7 წთ.), ადვილად გასაგები ვიდეოების მეშვეობით
• შემუშავებული ვებ პლატფორმა - ASOCIREBA.GE ასოცირების შეთანხმების ტექსტზე, მის განმარტებით მასალებსა და განხორციელების სტატუსზე მარტივი წვდომისთვის

დამატებითი ინფორმაციისათვის ეწვიეთ მიმართულების ვებგვერდს