2004 წელს, საქართველოს სტრატეგიული კვლევებისა და განვითარების ცენტრი, პირველი ორგანიზაცია იყო, რომელმაც ბიზნესის კორპორაციულ სოციალურ პასუხისმგელობაზე დაიწყო საუბარი. მას შემდეგ, ამ მიმართულებით ცნობიერების ამაღლებისა და ექსპერტიზის ხელმისაწვდომობის მიზნით, ორგანიზაცია აქტიურად მუშაობს როგორც ფართო საზოგადოებასთან, ისე შესაბამის სახელმწიფო სტრუქტურებთან, სამოქალაქო ორგანიზაციებთან, საგანმანათლებლო სექტორთან და ბიზნეს კომპანიებთან.

მიმართულების მიზანია, საქართველოში კორპორაციული სოციალური პასუხისმგებლობის შესახებ ცნობიერების ამაღლება და პასუხისმგებელი ბიზნესსაქმიანობის დამკვიდრების ხელშეწყობა, ასევე სხვადასხვა სექტორთა თანამშრომლობის განვითარება. 

მიმართულების გუნდის მუშაობის სტრატეგია გულისხმობს ერთის მხრივ, ბიზნეს კომპანიებთან აქტიურ მუშაობას, მათთვის ინფორმაციისა და ცოდნის მიწოდების კუთხით, ხოლო მეორე მხრივ სხვადასხვა სექტორთან მუშაობას კორპორაციული სოციალური პასუხისმგებლობის ხელშემწყობი გარემოს ჩამოყალიბების მიზნით. 

შესაბამისად, აღნიშნული სტრატეგიის ფარგლებში გუნდი ორიენტირებულია, ბიზნეს კომპანიებმა თავიანთ საქმიანობაში დანერგონ CSR სტანდარტები, მედია საშუალებებმა კვალიფიციურად გააშუქონ შესაბამისი თემები, მთავრობამ შექმნას შესაბამისი ინსტიტუციაური და საკანონდებლო გარემო, სამოქალაქო ორგანიზაციება ხელი შეუწყონ სექტორთაშორის თანამშრომლობას.

მიმართულების ძირითადი საქმიანობები

• საქართველოში CSR-ის კუთხით ცნობიერების ამაღლება და პასუხისმგებლიანი ბიზნესსაქმიანობის დამკვიდრება
• ტრენინგები, სემინარები და საჯარო ლექციები კორპორაციული სოციალური პასუხისმგებლობის საკითხებზე
• სიღრმისეული საკონსულტაციო მომსახურება ბიზნეს კომპანიებისთვის
• პრობონო ქეისების მედიაცია და ხელმისაწვდომობა, ბიზნესსა და სამოქალაქო ორგანიზაციებს შორის კავშირების გაღრმავება 
• საქართველოს პრო ბონო ქსელის ადმინისტრირება
• CSR-ის თემაზე დიალოგის ხელშეწყობის მიზნით, დაინტერესებული მხარეთა ფორუმების და სხვადასხვა დახურული თუ საჯარო ღონისძიებების ორგანიზება
• სხვადასხვა კვლევების, აკადემიური ნაშრომების, სახელმძღვანელოების, სტატიების, ბლოგების, საგანმანათლებლო ვებ რესურსების შექმნა და გავრცელება
• ფართომასშტაბიანი საკომუნიკაციო კამპანიების წარმოება
• მედია კონკურსის "ჟურნალისტები კორპორაციული სოციალური პასუხისმგებლობისთვის" ორგანიზება
• პირველი, ყოველწიური საქართველოს პასუხისმგელიანი კონკურსის "მელიორა"-ს ორგანიზება

2007 წლიდან CSRDG გახდა გაეროს "გლობალური შეთანხმების" (UN Global Compact) რეგიონალური ქსელის აქტიური წევრი და "ანგარიშგების გლობალური ინიციატივის" (GRI) ორგანიზაციული მხარდამჭერი.

ჩვენ ვართ პირველი ორგანიზაცია, რომელმაც მოამზადა და გამოსცა მდგრადი განვითარების ანგარიში GRI სტანდარტების მიხედვით. დღეს ორგანიზაცია საკონსულტაციო დახმარებას სთავაზობს კომპანიებს, GRI ფორმატით მდგრადი განვითარების ანგარიშის მოსამზადებლად.

მიმართულების ძირითადი მიღწევები

• CSRDG იყო პირველი ქართული ორგანიზაცია, რომელმაც 2009 წელს გამოაქვეყნა მდგრადი განვითარების ანგარიში GRI საერთაშორისო სტანდარტების მიხედვით და ასევე მოამზადა ანგარიშგების სახელმღანელოს ქართული ვერსია
• 2011 წელს ოთხ ქართულ უნივერსიტეტთან ერთად ხელი მოეწერა მემორანდუმს საქართველოს უნივერსიტეტებში CSR-ს სწავლების ხელშეწყობაზე. მიმართულების გუნდმა იმუშავა სალექციო კურსის სილაბუსზე, რომელიც დღემდე იკითხება კავკასიის უნივერსიტეტში
• 2015 წელს CSRDG-ს ინიციატივით დაფუძნდა საქართველოს პრო ბონო ქსელი, რომელიც 22 წამყვან ქართულ კომპანიას აერთიანებს.  2015 წლიდან დღემდე მედიაციის პროცესით 100-ზე მეტი სხვადასხვა საჭიროება დაკმაყოფილდა
• 2018 წელს დააფუძნა პირველი, ეროვნული ყოველწლიური კონკურსი "საქართველოს პასუხისმგებელი ბიზნესის კონკურსი - MELIORA"
• 2018 წელს დააფუძნა ყოველწლიური "საქართველოს CSR მედია კონკურსი"

საერთაშორისო ქსელები და გაერთიანებები

• გაეროს გლობალური შეთანხმების ქსელი (UN Global Compact) 
• ანგარიშგების გლობალური ინიციატივა (Global Reporting Initiative /GRI)
• გლობალური პრო ბონო ქსელი

დამატებითი ინფორმაციისათვის ეწვიეთ მიმართულების ვებგვერდს - CSRGEORGIA.COM

სხვა საინფორმაციო რესურსები

• MELIORA.GE
• CSRBLOG.GE
• PROBONOGEORGIA.GE