2019 წელს, საქართველოს სტრატეგიული კვლევებისა და განვითარების ცენტრში შეიქმნა სოციალური მომსახურების განვითარების პროგრამა. პროგრამის ფარგლებში ორგანიზაციამ საქართველოში უფლებებზე დაფუძნებული სოციალური სერვისების განვითარების ხელშეწყობა დაიწყო ევროკავშირის მიერ მხარდაჭერილი  სამწლიანი ფართომასშტაბიანი პროექტით. 2023 წლიდან პროგრამა აქტიურად მუშაობს მუნიციპალური სოციალური მომსახურებების გაუმჯობესებაზე.

მიმართულების მიზნია, საქართველოში უფლებებზე დაფუძნებული სოციალური მომსახურების განვითარება, სადაც დაცული და მხარდაჭერილი იქნება მოწყვლად მდგომარეობაში  მყოფი ადამიანების სოციალური, კულტურული და ეკონომიკური უფლებები.

“ბენეფიციარები არ არიან უცხო, მოწყვლადი ადამიანები ან ჯგუფები, ბენეფიციარები ვართ თითოეული ჩვენგანი, რომლებიც ცხოვრების ამა თუ იმ ეტაპზე, სხვადასხვა გარემოების გამო ვხვდებით მოწყვლად მდგომარეობაში და გვჭირდება ღირსების და სხვა უფლებების დაცვით მხარდაჭერა.”

პროგრამა მუშაობს სოციალური პოლიტიკის შემქმნელებთან, ცენტრალურ და მუნიციპალურ მთავრობასთან, მომსახურების მიმწოდებელ  სამოქალაქო  და სათემო ორგანიზაციებთან, მომსახურების მიმღებებთან, აკადემიურ წრეებთან და სხვა დაინტერესებულ მხარეებთან, რათა ხელი შეუწყოს უფლებებზე დაფუძნებული სოციალური მომსახურების პოლიტიკის და პრაქტიკის განვითარებას საქართველოში.

პროგრამის ორი ძირითადი მიმართულებაა:

1.შესაბამისი პოლიტიკური, სამართლებრივი და საგანმანათლებლო გარემოს განვითარება.

2.სოციალური მომსახურების მიმწოდებელთა შესაძლებლობების განვითარება, არსებული მომსახურების გაუმჯობესების ან/და ახალი მომსახურების დაგეგმვის, დანერგვისა და შეფასების მიზნით.

ოთხი წლის მანძილზე სოციალური მომსახურების განვითარების პროგრამის ფარგლებში

• განხორციელდა ტრენინგები უფლებებზე დაფუძნებული სოციალური მომსახურების დაგეგმვის, მართვის, შეფასების, ფინანსური მხარდაჭერის და მონიტორინგის საკითხებზე, როგორც მომსახურების მიმწოდებლებისთვის ისე მუნიციპალიტეტის თვითმმართველობის თანამშრომლებისთვის.
• ჩატარდა პირველი უფლებებზე დაფუძნებული სოციალური მომსახურებების კვლევა (იხ. კვლევის ანგარიშის შეჯამება ან ანგარიში სრულად).
• შემუშავდა უფლებებზე დაფუძნებული მომსახურების სტანდარტი (იხ. სტანდარტის დოკუმენტი).
• ორი უნივერსიტეტის სოციალური მუშაობის საბაკალავრო და სამაგისტრო პროგრამაში მოხდა უფლებებზე დაფუძნებული სოციალური მომსახურების სასწავლო მასალის ინტეგრირება (იხ. სასწავლო მასალა).
• ჩატარდა პირველი უფლებებზე დაფუძნებული სოციალური მომსახურების ეროვნული კონფერენცია (იხ. ვიდეო).
• რვა სოციალურ მომსახურებაში შეიქმნა და დაინერგა უფლებებზე დაფუძნებული მიდგომის განხორციელებისთვის საჭირო სხვადასხვა დოკუმენტი და სისტემა (იხ. ბმული შშმ ბავშვების/პირების მომსახურებების მიმწოდებელი ორგანიზაციებისთვის; იხ. ბმული უფროსი თაობის ადამიანების მომსახურების მიმწოდებელი ორგანიზაციებისთვის).
• შემუშავდა მუნიციპალური პროგრამების შეფასების 21 კრიტერიუმი (იხ. დოკუმენტი).
• ექვს მუნიციპალიტეტში შემუშავდა ახალი სოციალური პროგრამა.

პროგრამის გუნდი, ახალი სოციალური მომსახურების პროგრამების განვითარების და არსებულის დახვეწის მიზნით, ჩართულები არიან ისეთ სამუშაო ჯგუფებში, როგორიცაა საქართველოს ოკუპირებული ტერიტორიებიდან დევნილთა,  შრომის, ჯანმრთელობის და სოციალური დაცვის სამინისტროსთან არსებული, „შეზღუდული შესაძლებლობის მქონე პირთა უფლებების შესახებ“ საქართველოს კანონის აღსრულებისკენ მიმართულ ღონისძიებათა ერთიანი საკოორდინაციო საბჭო".

პროგრამის თანამშრომლებს, როგორც სოციალური მომსახურების ექსპერტებს, ხშირად იწვევენ სხვადასხვა საგრანტო კომისიაში განაცხადების შეფასების და მათი დახვეწის მიზნით.

პროგრამის გუნდი, დაინტერესებულ პირებს სთავაზობს ტრენინგებს და კონსულტაციებს შემდეგი მიმართულებებით:

• უფლებებზე დაფუძნებული სოციალური მომსახურების დანერგვისთვის აუცილებელი სისტემების/დოკუმენტების შექმნა და მომსახურების მიმწოდებელი ორგანიზაციების მმართველი რგოლის და მომსახურების უშუალოდ მიმწოდებელი თანამშრომლების გადამზადება.
• სოციალური მომსახურების მონიტორინგის და შეფასების მექანიზმების დანერგვა-განვითარება, მომსახურების ინდიკატორების შემუშავება.
• შემთხვევის მართვის სისტემის განვითარება.
• უკუკავშირის მექანიზმების განვითარება.
• მუნიციპალური სოციალური მომსახურებების თანამონაწილეობითი დაგეგმვა.
• მუნიციპალური სოციალური პროგრამების შეფასება უფლებებზე დაფუძნებული მომსახურების 21 კრიტერიუმით.
• სოციალური მომსახურების შექმნის და განვითარებისკენ მიმართული საპროექტო განაცხადების შედგენა.

პროგრამის მიერ შეთავაზებულ ყველა ტრენინგში და კონსულტაციაში ინტეგრირებულია უფლებებზე დაფუძნებული სოციალური მომსახურების მიდგომები.

პროგრამის გუნდი ასევე გთავაზობთ სხვა სატრენინგო მოდულების განვითარებას და კონსულტაციებს უფლებებზე დაფუძნებული სოციალური მომსახურების დანერგვა-განხორციელების მიზნით.