საქართველოს სტრატეგიული კვლევებისა და განვითარების ცენტრმა, მომხმარებლის უფლებების დაცვის თემაზე მუშაობა 2009 წელს დაიწყო და მას შემდეგ ამ მიმართულებით მომუშავე სამოქალაქო საზოგადოების ერთ-ერთ მთავარ ცენტრად მიიჩნევა.

მიმართულების მიზანი, საქართველოში მომხმარებლის უფლებების დაცვის ეფექტური სისტემის ჩამოყალიბებაა. თავდაპირველად, გუნდი მხოლოდ სურსათის ბაზრის მონიტორინგს ახორციელებდა. დღეს, დაგროვილი გამოცდილებისა და გაზრდილი მხარდაჭერილი შედეგად, ორგანიზაციის კვლევითი სფეროები გაფართოვდა და მოიცავს სხვადასხვა სამომხმარებლო პროდუქტებსა თუ სერვისებს.

მიმართულების გუნდის მიერ განხორციელებულმა საქმიანობამ მნიშვნელოვანი წვლილი შეიტანა რამდენიმე  საკანონმდებლო ცვლილების მიღებაში, რამაც საბოლოო ჯამში, სურსათის ბაზრის უსაფრთხოების ხარისხის ზრდა განაპირობა. წარმატებული მუშაობის შედეგად, ორგანიზაციამ მომხმარებლის უფლებების დაცვის თემაზე მომუშავე ერთ-ერთი წამყვანი ორგანიზაციის სახელი დაიმკვირდა.

მიმართულების ძირითადი საქმიანობები

• საზოგადოების ცნობიერების ამაღლება მომხმარებლის უფლებების მიმართულებით
• მთავრობისა და სამომხმარებლო ბაზრის მონიტორინგი
• სამომხმარებლო ბაზრის მონიტორინგი, მომხმარებელთა საჩივრების მიღება და მათზე შესაბამისი რეაგირება
• მომხმარებლის უფლებების დაცვის მიმართულებით საკანონმდებლო რეფორმების ადვოკატირება

მომხმარებლის უფლებების დაცვის მიმართულების გუნდი, www.momxmarebeli.ge და ფეისბუქის გვერდის საშუალებით მოქალაქეებს ყოველდღიურად აწვდის ინფორმაციას და ასევე, უწევს კონსულტაციებს მომხმარებლის უფლებების სხვადასხვა საკითხებზე. 

გარდა ამისა, მომხმარებლების მომართვიანობის შედეგად ორგანიზაცია ახდენს სხვადასხვა სამომხმარებლო საქონლის ლაბორატორიულ ტესტირებას, სერვისის მონიტორინგს ან/და იკვლევს საქონლის ეტიკეტებს. გამოვლენილი დარღვევების შესახებ ინფორმაცია მუდმივად ახლდება მიმართულების სოციალურ არხებზე.

2009 წლიდან დღემდე, მიმართულების გუნდმა არაერთი საინტერესო საინფორმაციო კამპანია ჩაატარა, რომელმაც მნიშვნელოვანი ყურადღება დაიმსახურა საზოგადოების მხრიდან. თუმცა, ბოლო წლებში მოქალაქეების გააქტიურებისა და მათი ჩართულობის ხარისხის გაზრდის მიზნით მომხმარებლის დაცვის მიმართულებაში აქტიურად იგეგმება სხვადასხვა ტიპის ქრაუდფანდინგ ინსტრუმენტების გამოყენება. 

მიმართულების უნიკალური ექსპერტიზა

• ინფორმაციის გავრცელებისა და მოქალაქეებთან ურთიერთობის მოქნილი და პოპულარული საშუალებები
• საქმიანობაში მოქალაქეების ჩართვის წარმატებული გამოცდილება. სურსათის უვნებლობის დარღვევის უმეტესობა სწორედ მოქალაქეების მიმართვით დაფიქსირდა. ასევე, მრავალი წელია ლაბორატორიული კვლევების გარკვეული რაოდენობა თავად მომხმარებლების მიღებული შემოწირულობებით ფინანსდება

www.momxmarebeli.ge-ს ყოველწლიურად ჰყავს ასეულობით ათასი უნიკალური ვიზიტორი, ხოლო ფეისბუქის გვერდს www.facebook.com/momxmarebeli.ge/ 2022 წლის ოქტომბრის მონაცემებით ჰყავდა 29 630-ზე მეტი მიმდევარი. მათი რაოდენობა სტაბილურად მზარდია. 

• აქტიური და სტაბილური გაშუქება მედია საშუალებებში. მომხმარებლის უფლებების დაცვის პროგრამას  წელიწადში საშუალოდ 100-მდე გაშუქება აქვს მედიაში.
• მიმართულების გუნდი წლებია იყენებს ქრაუდფანდინგის მექანიზმებს და მოსახლეობისგან იღებს შემოწირულობებს სხვადასხვა კვლევის განსახორციელებლად. თუმცა, ამ ინსტრუმენტის პოტენციალი ჯერ მხოლოდ ნაწილობრივ არის ათვისებული და მომავალში ამ მიმართულებით დაგეგმილია საინტერესო ინიციატივები თუ კამპანიები

დამატებითი ინფორმაციისათვის ეწვიეთ მიმართულების ვებგვერდს