საქართველოს სტრატეგიული კვლევებისა და განვითარების ცენტრი, რეგიონში არსებულ რამდენიმე პარტნიორთან ერთად, 1998 წლიდან მხარს უჭერს კარგ მუნიციპალურ მმართველობას. მას შემდეგ, ორგანიზაცია აქტიურად მონაწილეობს ადგილობრივი თვითმმართველობის რეფორმასთან დაკავშირებულ სხვადასხვა ინიციატივებსა და პროექტებში როგორც ეროვნულ, ისე საერთაშორისო დონეზე. 

მიმართულების მიზნია, გააუმჯობესოს ადგილობრივი თვითმმართველობების გამჭვირვალობისა და ანგარიშვალდებულების ხარისხი და გაზარდოს გადაწყვეტილების მიღების პროცესში მოქალაქეების ჩართულობის მაჩვენებელი.

მიმართულების ძირითადი საქმიანობები

• მუნიციპალიტეტებში გადაწყვეტილების მიღების ზოგადი პროცესის (მ. შ., საბიუჯეტო პროცესის), ფორმალური პროცედურებისა და არსებული პრაქტიკის, ასევე, თვითმმართველი ორგანოების მიერ საზოგადოებასთან კომუნიკაციის არხების მონიტორინგი და ანალიზი
• ძირითადი ხარვეზების, ნაკლოვანებების იდენტიფიცირება, მათ დასაძლევად რეკომენდაციების შემუშავება და ადგილობრივი თვითმმართველობის ორგანოებისთვის დახმარების გაწევა ამ რეკომენდაციების გასათვალისწინებლად
• მონიტორინგი და ადვოკატირება შემუშავებული რეკომენდაციების განსახორციელებლად

მიმართულების აქტიური მუშაობის შედეგად, საქართველოს სხვადასხვა მუნიციპალიტეტში, მრავალ ქალაქსა და სოფელში, შესაძლებელი გახდა როგორც სათემო ორგანიზაციების ქსელის განვითარება და სამოქალაქო კულტურის გაუმჯობესება, ასევე ხელისუფლებასთან დიალოგი და გადაწყვეტილების მიღების პროცესში აქტიური მონაწილეობა.

მიმართულების გუნდის მიერ განხორციელებული საქმიანობების შედეგად, არსებითად გააუმჯობესდა ადგილობრივი საბიუჯეტო პროცესი, ადგილობრივი თვითმართველობის გამჭვირვალობა, ანგარიშვალდებულება და საზოგადოების ჩართულობა საქართველოს სხვადასხვა მუნიციპალიტეტში.

მიმართულების უნიკალური ექსპერტიზა

• მიზნობრივ მუნიციპალიტეტებთან  ხანგრძლივი, ყოველდღიური მუშაობის და მონიტორინგის გამოცდილება
• მუნიციპალიტეტების მუშაობაში ადგილობრივი მოსახლეობის ჩართულობის წარმატებული  მრავალწლიანი გამოცდილება
• მუნიციპალიტეტებთან კონსულტაციების/სწავლების გამოცდილება ბიუჯეტირებასთან, სახელმწიფო შესყიდვებთან, ანგარიშგებასა და ანგარიშვალდებულებასთან, საზოგადოებასთან ურთიერთობასთან, საზოგადოებრივი სამუშაოების მონიტორინგთან და სხვა