პროექტის მიზანია სოციალური მეწარმეობის განვითარების ხელშემწყობი გარემოს შექმნა  აღმოსავლეთ პარტნიორობის ქვეყნებში. საქართველოში პროექტის ფარგლებში შემდეგი ამოცანების განხორციელებაა დაგეგმილი:

სოციალურ გავლენაზე ორიენტირებული ინვესტიცირებისა (Impact Investing) და ვენჩურული ფილანტროპიის (Venture Philanthropy)  პოპულარიზაცია; 

სოციალური ინოვაციების განვითარების მხარდაჭერა.

პროექტის მოსალოდნელი შედეგები 

• საკანონმდებლო გარემოს შესწავლა სოციალური გავლენის მქონე ინვესტიციების განხორიცელების შესაძლებლობების თვალსაზრისით;
• კორპორაციული სექტორის ცნობიერების ამაღლება სოციალურ გავლენაზე ორიენტირებული ინვესტიცირებისა და ვენჩურული ფილანტროპიის შესახებ;
• გავლენაზე ორიენტირებული ინვესტირების პრაქტიკის პილოტირება - გავლენის ფონდის შექმნა, რომელიც ხელს შეუწყობს სულ მცირე 5 მოქმედი სოციალური საწარმოს ეკონომიკური საქმიანობისა და სოციალური შედეგების მასშტაბის ზრდას. სოციალური საწარმოები მიიღებენ გრძელვადიან, საჭიროებებზე მორგებულ, ფინანსურ და ტექნიკურ მხარდაჭერას სოციალური გავლენის გაზრდისა და ფინანსური მდგრადობის გაუმჯობესების მიზნით;
• სოციალური ინოვაციების განვითარების კომპონენტის ფარგლებში დაფუძნდება 4 ახალი სოციალური საწარმო.

პროექტის ღირებულება: 505,500 ევრო

დონორები: ევროკომისიის გენერალური დირექტორატი სამეზობლო პოლიტიკისა და გაფართოებაზე მოლაპარაკებების საკითხებში 

პროექტის წამყვანი ორგანიზაცია: ვენჩურული ფილანტროპიის ევროპული ასოციაცია (EVPA)

პარტნიორი ორგანიზაციები: სილაბ უკრაინა (SiLab Ukraine), ეკოვიზიო (Ecovisio), იმფაქთ ჰაბ ერევანი (Impact Hub Yerevan), განათლების ჰაბი (Education Hub)

პროექტის ხანგრძლივობა: 01/01/2021 – 31/08/2025